A TEN DAY FAST BY HARISHANKAR PARSAI IN HINDI

A TEN DAY FAST BY HARISHANKAR PARSAI IN HINDI – Bannoo

10 JANUARY 
aaj mainne bannoo se kaha, ” dekh bannoo, daur aisa aa gaya hai kee sansad, qaanoon, sanvidhaan, nyaayaalay sab bekaar ho gae hain. badee-badee maangen anashan aur aatmadaah kee dhamakee se pooree ho rahee hain. 20 saal ka prajaatantr aisa pak gaya hai ki ek aadamee ke mar jaane ya bhookha rah jaane kee dhamakee se 50 karod aadamiyon ke bhaagy ka phaisala ho raha hai. is vaqt too bhee us aurat ke lie anashan kar daal.”
bannoo sochane laga. vah raadhika baaboo kee beevee saavitree ke peechhe saalon se pada hai. bhagaane kee koshish mein ek baar pit bhee chuka hai. talaak dilavaakar use ghar mein daal nahin sakata, kyonki saavitree bannoo se napharat karatee hai.
sochakar bola, ” magar isake lie anashan ho bhee sakata hai? ”
mainne kaha, ” is vaqt har baat ke lie ho sakata hai. abhee baaba sanakeedaas ne anashan karake qaanoon banava diya hai ki har aadamee jata rakhega aur use kabhee dhoega nahin. tamaam siron se durgandh nikal rahee hai. teree maang to bahut chhotee hai- sirph ek aurat ke lie.”
surendr vahaan baitha tha. bola, ” yaar kaisee baat karate ho! kisee kee beevee ko hadapane ke lie anashan hoga? hamen kuchh sharm to aanee chaahie. log hansenge.”
mainne kaha, ” are yaar, sharm to bade-bade anashaniya saadhu-santon ko nahin aaee. ham to maamoolee aadamee hain. jahaan tak hansane ka savaal hai, goraksha aandolan par saaree duniya ke log itana hans chuke hain ka unaka pet dukhane laga hai. ab kam-se-kam das saalon tak koee aadamee hans nahin sakata. jo hansega vo pet ke dard se mar jaega.”
bannoo ne kaha,” saphalata mil jaayegee?”
mainne kaha,” yah to ishoo banaane par hai. achchha ban gaya to aurat mil jaegee. chal, ham eksapart ke paas chalakar salaah lete hain. baaba sanakeedaas visheshagy hain. unakee achchhee praiktis chal rahee hai. unake nirdeshan mein is vaqt chaar aadamee anashan kar rahe hain.”
ham baaba sanakeedaas ke paas gae. poora maamala sunakar unhonne kaha,” theek hai. main is maamale ko haath mein le sakata hoon. jaisa kahoon vaisa karate jaana. too aatmadaah kee dhamakee de sakata hai?”
bannoo kaamp gaya. bola,” mujhe dar lagata hai.”
“jalana nahin hai re. sirph dhamakee dena hai.”
“mujhe to usake naam se bhee dar lagata hai.”
baaba ne kaha,” achchha to phir anashan kar daal. ishoo ham banaayenge.”

bannoo phir dara. bola,” mar to nahin jaoonga.”
baaba ne kaha,” chatur khilaadee nahin marate. ve ek aankh medikal riport par aur doosaree madhyasth par rakhate hain. tum chinta mat karo. tumhen bacha lenge aur vah aurat bhee dila denge.”

You may also like...

Leave a Reply

This site uses Akismet to reduce spam. Learn how your comment data is processed.

error: Content is protected !!