A TEN DAY FAST BY HARISHANKAR PARSAI IN HINDI

bannoo bahut kamazor ho gaya hai. ghabadaata hai. kaheen mar na jae.
bakane laga hai ki ham logon ne use phansa diya hai. kaheen vaktavy de diya to ham log eksapoz ho jaayenge.
kuchh jaldee hee karana padega. hamane usase kaha ki ab agar vah yon hee anashan tod dega to janata use maar daalegee.
pratinidhi mandal phir milane jaega.

20 JANUARY

dedalok
sirph ek bas jalaee ja sakee.
bannoo ab sambhal nahin raha hai.
usakee taraph se ham hee kah rahe hain ki “vah mar jaega, par jhukega nahin!”
sarakaar bhee ghabaraee maaloom hotee hai.
saadhusangh ne aaj maang ka samarthan kar diya.
braamhan samaaj ne alteemetam de diya. 10 braamhan aatmadaah karenge.
saavitree ne aatmahatya kee koshish kee thee, par bacha lee gayee.
bannoo ke darshan ke lie lain lagee rahee hai.
raashtrasangh ke mahaamantree ko aaj taar kar diya gaya.
jagah-jagah- praarthana-sabhaen hotee raheen.
do. lohiya ne kaha hai ka jab tak yah sarakaar hai, tab tak nyaayochit maangen pooree nahin hongee. bannoo ko chaahie ki vah saavitree ke badale is sarakaar ko hee bhaga le jae.

21 JANUARY

bannoo kee maang siddhaantatah sveekaar kar lee gayee.
vyaavahaarik samasyaon ko sulajhaane ke lie ek kametee bana dee gaee hai.
bhajan aur praarthana ke beech baaba sanakeedaas ne bannoo ko ras pilaaya. netaon kee musammiyaan jholon mein hee sookh gaeen. baaba ne kaha ki janatantr mein janabhaavana ka aadar hona chaahie. is prashn ke saath koti-koti janon kee bhaavanaen judee huee theen. achchha hee hua jo shaanti se samasya sulajh gaee, varna hinsak kraanti ho jaatee.
braamhanasabha ke vidhaanasabhaee umeedavaar ne bannoo se apana prachaar karaane ke lie sauda kar liya hai. kaaphee badee rakam dee hai. bannoo kee keemat badh gayee.
charan chhoote hue nar-naariyon se bannoo kahata hai,” sab eeshvar kee ichchha se hua. main to usaka maadhyam hoon.”
naare lag rahe hain — saty kee jay! dharm kee jay