A TEN DAY FAST BY HARISHANKAR PARSAI IN HINDI
16 JANUARY
yaprakaash baaboo kee mishan phel ho gaee. koee maanane ko taiyaar nahin hai. pradhaanamantree ne kaha,” hamaaree bannoo ke saath sahaanubhooti hai, par ham kuchh nahin kar sakate. usase upavaas tudavao, tab shaanti se vaarta dvaara samasya ka hal dhoondha jaega.”
ham niraash hue. baaba sanakeedaas niraash nahin hue. unhonne kaha,” pahale sab maang ko naamanzoor karate hain. yahee pratha hai. ab aandolan teevr karo. akhabaaron mein chhapavao ka bannoo kee peshaab mein kaaphee eseeton aane laga hai. usakee haalat chintaajanak hai. vaktavy chhapavao ki har keemat par bannoo ke praan bachae jaen. sarakaar baithee-baithee kya dekh rahee hai? use turant koee kadam uthaana chaahie jisase bannoo ke bahumooly praan bachae ja saken.”
baaba adbhut aadamee hain. kitanee tarakeeben unake dimaag mein hain. kahate hain, “ab aandolan mein jaativaad ka put dene ka mauka aa gaya hai. bannoo braamhan hai aur raadhikaaprasaad kaayasth. braamhanon ko bhadakao aur idhar kaayasthon ko. braamhan-sabha ka mantree aagaamee chunaav mein khada hoga. usase kaho ki yahee mauka hai braamhanon ke vot ikatthe le lene ka.”
aaj raadhika baaboo kee taraph se prastaav aaya tha ki bannoo saavitree se raakhee bandhava le.
hamane naamanjoor kar diya.
