A TEN DAY FAST BY HARISHANKAR PARSAI IN HINDI

18 JANUARY

raat ko braamhanon aur kaayasthon ke gharon par patthar phink gae.
subah braamhanon aur kaayasthon ke do dalon mein jamakar patharaav hua.
shahar mein dapha 144 lag gayee.
sanasanee phailee huee hai.
hamaara pratinidhi mandal pradhaanamantree se mila tha. unhonne kaha,” isamen kaanoonee adachanen hain. vivaah-qaanoon mein sanshodhan karana padega.”
hamane kaha,” to sanshodhan kar deejiye. adhyaadesh jaaree karava deejiye. agar bannoo mar gaya to saare desh mein aag lag jaayegee.”
ve kahane lage,” pahale anashan tudavao ? ”
hamane kaha,” sarakaar saiddhaantik roop se maang ko sveekaar kar le aur ek kamitee bitha de, jo raasta bataaye ki vah aurat ise kaise mil sakatee hai.”
sarakaar abhee sthiti ko dekh rahee hai. bannoo ko aur kasht bhogana hoga.
maamala jahaan ka tahaan raha. vaarta mein dedalok aa gaya hai.
chhutaput jhagade ho rahe hain.
raat ko hamane pulis chaukee par patthar phinkava die. isaka achchha asar hua.
praan bachao—kee maang aaj aur badh gayee.