A TEN DAY FAST BY HARISHANKAR PARSAI IN HINDI

14 JANUARY

bannoo aur kamazor ho gaya hai. vah anashan todane kee dhamakee ham logon ko dene laga hai. isase ham logon ka munh kaala ho jaayega. baaba sanakeedaas ne use bahut samajhaaya.
aaj baaba ne ek aur kamaal kar diya. kisee svaamee rasaanand ka vaktavy akhabaaron mein chhapavaaya hai. svaameejee ne kaha hai ki mujhe tapasya ke kaaran bhoot aur bhavishy dikhata hai. mainne pata lagaaya hai ka bannoo poorvajanm mein rshi tha aur saavitree rshi kee dharmapatnee. bannoo ka naam us janm mein rshi vanamaanus tha. usane teen hazaar varshon ke baad ab phir naradeh dhaaran kee hai. saavitree ka isase janm-janmaantar ka sambandh hai. yah ghor adharm hai ki ek rshi kee patnee ko raadhika prasaad-jaisa saadhaaran aadamee apane ghar mein rakhe. samast dharmapraan janata se mera aagrah hai ki is adharm ko na hone den.
is vaktavy ka achchha asar hua. kuchh log dharm kee jay ho! naare lagaate pae gae. ek bheed raadhika baaboo ke ghar ke saamane naare laga rahee thee—-
“raadhika prasaad– paapee hai! paapee ka naash ho! dharm kee jay ho.”
svaameejee ne mandiron mein bannoo kee praan-raksha ke lie praarthana ka aayojan kara diya hai.